Tre vjet pa folur me Thaçin

Tre vjet pa folur me Thaçin



Lideri i Aleancës
për Ardhmërinë e Kosovës, Ramush Haradinaj ka bërë të ditur se nuk
komunikon me kryeministrin e Kosovës, Hashim Thaçi që 3 vjet.Në
një intervistë për numrin festiv të së përditshmes “Kosova Sot”,
Haradinaj ka thënë: “Nuk komunikoj me z.Thaçi ka shumë kohë të gjatë”.

“Nuk jam takuar dhe nuk jam parë më të, ka më shumë se tre vjet. Unë
kam mundur rastësisht të qëlloj në ndonjë ngjarje të përbashkët, në
ndonjë pritje, por nuk kam pasur shtrëngim duarsh, ka rreth tre vjet”.

Megjithatë, Haradinaj ka thënë se ai ka kontakte me anëtarët të tjerë
të lartë të PDK-së, si me kryetarin e Parlamentit Jakup Krasniqi.

“Dëgjohemi me z.Krasniqi, por edhe me kolegë të tjerë të PDK-së për
raste të caktuara dhe tema të caktuara. Këtë e bëjnë edhe kolegët e mi
në Parlament, të cilët komunikojnë me kryetarin e Parlamentit”, ka
thënë Haradinaj.